ආදායම් බදු විරෝදතා බෙහෙත් නෑ කියා ද පැමිනිය හැකිය!

 

රටේ විදේශ විනිමය පිටරට යන එක වලක්වලා වෙනරටවලින් මුදල් ගේන්න පුලුවන් පෞද්ගලික වෛද්‍ය විද්යාල හදනවාට මාරාන්තික විරෝදතාවය දක්වන රජයේ වෛද්ය සංගම් බුවාලා රජයේ රෝහල් වල බෙහෙත් සහ අවශ්‍ය අනිකුත් දෙ නැතැයි කියලා උද්ගෝසනය කරනවා.... ඊටත් වඩා තදින් ම බදු ගහන්න රජය ගත් තීරණයට විරුද්දව විරෝධතා දක්වනවා....

මාස කීපෙකට කලින් මේ උදවිය අපිට කිවුවෙ බදු නොගහා කොහොමද රටක් ඉදිරියට ගෙනයන්නේ... බදු ඉවත් කරලා ආන්ඩුව ඉල්ලන් කනවා කියලා..... දැණ් ඒගොල්ලොම පෙලපාලි ගිහිං, උද්ගෝසනය කරලා, විරෝදතා දක්වලා බිරියානි කාලා පත් කොරගත්තු ජනාධිපති 35% ප්‍රතිසතේට පඩියට කෙලියාම රෝහල් වල බෙහෙත් නෑලු... විරෝධතා කොරනවලු!

අලේ....

නන්නානේ කිවුවලු!

මුක්තිය ඉවත් කරගත් සොරිසේන හිඟමනට....

 

ඩාර්ලි පාරේ ශ්‍රී ල නි ප කාර්යාලයේ තේ හදමින් ආවතේව වැඩ කරමින් සිටි කොලුවා වැටුප ලෙස ඉල්ලුවේ පොලොන්නරුවෙන් චන්දය ඉල්ලීමට ටිකට් එක ය. චන්දේ දිනලා යමක් කමක් හොයාගෙන පොරක් වූ එතුමා ආප්ප කා පක්ශය පාවාදී ජනාධිපති වූයේ ශ්‍රී ලාංකික ධනපතීන්, විදෙස් තානාපති සේව, විදෙස් ඔත්තු සේවා, මූලධර්මවාදී ආගමික සංවිදාන සහ ඩයස්පෝරාවේ සහායෙන් ය.

මේ ගොබ්බතුමා ලවා ශ්‍රී ලාංකික රාජ්‍යය අසමත් කරනු රිසි වූ විදෙස් ඒජන්තවරු සහ ඩයස්පෝරාව ඌරාගේ මාළු ඌරාගේ පිට උඩම තබා කපන්නා සේ ජේ ආර් ජයවර්ධන පලමු විධායක ජනාධිපති තුමා ව්යවස්තාවට එක් කල තිබූ ජනාධිපති මුක්තිය ඉවත් කලේය. දැන් ඕනෑම කොල්ලෙක් ට බල්ලෙක් ට ශ්‍රී ලංකා ජනාධිපති ට විරුද්දව මූලික අයිතිවාසිකම් නඩු පැවරිය හැකිය. මෙම මුක්තිය අයින් කරද්දී පලිගැනීමේ නොතිස් ආසාවෙන් සිටි සොරිසේන හිතුවේ ජනතාව පෝලිමේ ගොඩ් මහින්ද රාජපක්ශ ජනාධිපති තුමාට විරුද්දව මූලික අයිතිවාසිකම් නඩු දමාවි කියා ය. එහෙත් එය එසේ නොවීය.

ඒ වෙනුවට කතෝලිකයන් පෝලිමට ගොස් සොරිසේනට විරුද්දව නඩු දමා ශ්‍රේශ්ඨාදිකරනයෙන් කෝටි ඩහයක වන්දියක් ගෙවිය යුතු යැයි තීන්දුවක් ගත්තේය... 

අනුන් ගේ ලණු කා, ව්ය්වස්තාව ජනතාවාදී කරනවා කියා රාජපක්ශලාට නඩු දම්මවන්න බලා සිරි සොරිසේනට සොරි විය!

මම එන්නෙ පොලොන්නරුවෙ ඉඳන්,

සල්ලි හොඳට හම්බ කරන්,

හම්බ කරපු සල්ලි මා ලඟයි...

කතෝලිකයෝ නඩුත් දාල,

අධිකරනෙන් දඩත් කාල

බල්ල වගේ ඉන්නෙ මම තමයි....

වැඩිවෙන විදුලි බිලට එරෙහිව පාරට බහින්නැයි අන්තරේ ජනතාවට ආයාචනා කරයි!!

 

වැඩිවෙන විදුලි බිලට එරෙහිව පාරට බහින්නැයි අන්තරේ ජනතාවට ආයාචනා කරයි. මාස ගනනක් කොලඹ අල්ලාගෙන පරිපාලන මර්මස්ථාන වලට හා ජාතික රූපවාහිනිය ට ඇතුලු වී දස්කම් පෙන්වූ ජනතාව විදුලි බිල වැඩිවුනා කියා පාරට බසීද?

සරලව ම උත්තරය නැත යන්නය!

මාස ගනනක් කොලඹ අල්ලාගෙන පරිපාලන මර්මස්ථාන වලට හා ජාතික රූපවාහිනිය ට ඇතුලු වී දස්කම් පෙන්වූ ජනතාව එසේ කලේ ඒ වෙනුවෙන් ව්යාපාරික ප්‍රජාව, විදෙස් බුද්ධි අංශ, බෞධ විරෝදී ආගමික කන්ඩායම් පාරට බැස්ස උදවියට  කැම බීම දවසේ කුලිය වැනි දේවල් වලට කෝටි ගනන් අතදිග හැර වියදම් කල නිසා ය. බොරුවට අරගලේ කියමින් අනුන්ට අතපාන්න අව්ශ්‍ය නැති ඉහල පංතිය පාරට බැස්සේ ගෑස්, විදුලිය හා ඉන්ධන වැඩි මුදලකට වත් ලබාගත නොහැකි වූ නිසාය! 

ඔය අනුන්ට අතනොපාන යමක් කමක් ඇති අය ට විදුලිය පිලිබඳ ප්‍රශ්නයක් ඇතිවන්නේ ඉහල මුදලකට වත් එය නොලැබී ගියොත් පමණි. එසේ නොමැතිව බිල වැඩි වුනා කියා පාරට බහින්න තරම් ඔවුන් බොලඳ නැත. ඊටත් වඩා රාජ්‍ය විශ්ව විද්‍යාල හා කාර්මික විද්‍යාල වල භීශනය පතුරුවන අන්තරේ අවශ්ය වෙලාවට තමුන්ගේ ව්යාපෘති වෙනුවෙන් පාවිච්චි කරනවා විනා, අන්තරේ විසින් කරනා අණකිරීම් හෝ ආයාචනා වලට ප්‍රතිචාර දැක්වීමට තරම් සෝ කෝල්ඩ් අරගලේ එක මල්ලේ ලුණු කෑ එහෙත් අතේ මිටේ මුදල් ඇති අනුන්ට අත නොපාන උදවිය මෝඩයන් නොවේ!

චන්දය නොපැවත්වීමේ ක්‍රම සහ විධි!

එලඹෙන පලාත්පාලන මැතිවරණය ලබන මාර්තු මැදට කලින් පවත්විය යුතු බවට උසාවි නියෝගයක් ඇතැයි පැවසේ. විපක්ශය පවසන්නේ මේ ව්යාකූල අවස්තාවේ මැතිවරණයක් පැවැත්වූවොත් එය තමුන්ට අවාසි නිසා මැතිවරණ කල්දැමීමකට රජය අර අඳින බවය. 

රජය එසේ ක්‍රියාකරොත් එය ව්යවස්තාව උල්ලංඝනය කිරීමක් නිසා ව්යවස්තාවත් රැකැගෙන දැලිපිහියෙන් කිරි පැණි කන ක්‍රමයක් රජයට කියාදීමට සරස තුමා ඉදිරිපත් වේ.

හොඳින් අහගන්නලා;

මැතිවරණය කල්දමන්නේ මුදල් නැතිකම නිසානම් දීමනා හෝ අතිකාල ලබාගැණීමකින් තොරව මැතිවරණ සේවයේ යෙදීමට රජයේ සේවකයන් කැමති බවය. මේ කතාව ට නිසි මාධ්ය ආවරණයක් දී, රජයේ සේවකයන් ට දීමනා හෝ අතිකාල නොමැතිව පර්ත්යාගයෙන් මැතිවරණ කරන්න එන්නැ‍යි රජය ප්‍රසිද්දියේ ආයාචනා කල යුතුය!!

සියළු රාජ්‍ය සේවකයන් තමුන්ගේ පාක්ශිකයන් යැයි සිතා ජවිපෙ අහවල් මංඩලේ වැඩ වාසය කරන වසන්ත සමරසිංහ  සිතුවාට යතාර්තය එය නොවන බව ඔබත් මමත් දනිමු. මොකා මොන පක්ශයට සපෝට් කලත් දීමනා සහ අතිකාල නැතිව ශ්‍රී ලංකාවේ අභිමානවත් රාජ්‍ය සේවකයන් නියපොත්තක් වත් හෙල්ලන්නේ නැති බවත් අප සැම දනිමු!

සල්ලි දෙන්නෙ නැත්නම් මැතිවරණ නෑ කියමින් ස්ටාලින් ලා ප්‍රමුඛ රාජ්‍ය සේවකයන් පෙලපාලි ගොස්, විරෝදතා පවත්වා රජයට අවශ්‍ය මැතිවරණ කල් දැමීම නොමිලේම කර දෙනු ඇත!

දේශපාලනමය වශයෙන් වැදගත් 2023!

 මේ 2023 අවුරුද්ද දේශපාලන වශයෙන් කැරකිලා දෙකට නැවෙන අවුරුද්දකි. රජය හැර හැමෝම මැතිවරණ ඉල්ලති. මැතිවරණය පැවැත්වූවොත් තත්වය මෙසේ වනු ඇත:

පොදුජන පෙරමුණ සහ එජාප සංදානය දිනුවොත් වැඩි සංදර්ශන නැතිව රට මේ ලෙසම පවතිනු ඇත.

සජබෙ දිනුවොත් මහජනතාව සජිත් ප්‍රේමදාස මහතා රට ගොඩ ගනී යන විශ්වාසයෙන් මාස කීපය බලා සිට එය එසේ නොවී මහා වියවුලක් වූ සඳ සජිත් ට පලු යන්න බැණ, එතුමා ව දේශපාලණ අනාතයෙකු කරනු ඇත. 

පැරදුනොත්, මෙතරම් විපක්ශයට වාසි වන කලෙක මැතිවරණයක් දිනාගැනීමට හැකියාවක් නැතැයි චෝදනා කර ඔහු ව නායකත්වයෙන් පන්නා දමනු ඇත!

ජාජබ දිනුවොත් මහජනතාව අනුර කුමාර දිසානායක රට ගොඩදාන අන්දම බලා සිට එය එසේ නොවූ කල ඔහු ව දේශපාලන අනාත මඩමට යවනු ඇත.

පැරදුනොත්, මෙතරම් විපක්ශයට වාසි වන කලෙක මැතිවරණයක් දිනාගැනීමට හැකියාවක් නැතැයි චෝදනා කර අනුර වත් නායකත්වයෙන් පන්නා දමනු ඇත!

ස්තිරවම කිව හැක්කේ මේ වසරේ ප්‍රදාන දේශපාලන පක්ශ නායකයන් 

" මග හිටියොත් තෝ නසී, ගෙදර ගියත් තෝ නසී" ක්‍රමයට කෙලවාගන්නා බව ය!

ඩයනාකරණය වූ සීසර් ගේ මිනිමරුවෝ!!!

 

ශ්‍රී ලංකා පාර්මේන්තු මංත්‍රිනී ස ජ බ උප සභාපතිනි ඩයනා ගමගේ මැතිණිය සීසර් ව ඝාතනය කලේ මාර්ක් ඇන්තනි බව ඊයේ පාර්ලිමේන්තුවේදී ප්‍රකාශ කලාය. පාවාදීමක් කර එම පාවාදීම වීරක්‍රියාවක් ලෙස පෙන්වන්නට උත්සාහ ගැනීමේදී වයර් මාරු වී ඉතිහාසය ප්‍රබන්දකරණය වීම ස්වභාවික ය. එමනිසා ඇය ගේ මේ නව ඓතිහාසික සොයාගැණිමට අප සුභ පතමු!

රෝම ආඥාදායක ජූලියස් සීසර් ව රෝමයේ පොම්පේ හී සනාතන මැදුරේ දී ඝාතනය කෙරුනේ ක්‍රිස්තු පූර්ව 44 මාර්තු මස 15 දා ය. පුරවැසියන් ගේ අදහස් වලට ගරුකරමින් පාලනය වූ රෝම සමූහාන්ඩුව තම ආඥාදායකත්වය යටතට ගැනීමට විරුද්දව යැයි පවසමින් සීසර් ව ඝාතනය කලේ ඔහු ගේ සෙනෙටයේම සාමාජිකයන් විසිනි. සෙනේට් සභිකයන් හැට දෙනෙකු කුමන්ත්‍රණය කල මේ ඝාතනයට මුල් වී කටයුතු කලේ මාකස් බෘටස් (Marcus Brutus), ගේයස් කැසියස් (Gaius Cassius) සහ ඩෙසිමස් බෘටස් (Decimus Brutus) යන සෙනේට් සභිකයන් ය.

එම දෛවෝපගත දිනයේ දී සීසර් සෙනේට් සභාවට පැමිනේද්දී ලුසියස් ටිලියස් සිම්බර් (Lucius Tillius Cimber) නම් සෙනේට් සභිකයා සීසර් ගේ උර සළුව ඉවත් කර උරහිස නිරාවරණය කරදෙද්දී, පබ්ලිස් සර්වියස් කැස්කා ලොන්ගස් (Publius Servilius Casca Longus) යන සෙනේට් සභිකයා විසින් පලමු පිහි පහර සීසර් ගේ බෙල්ලට එල්ල කලේය. වහා හැරුනු සීසර් කැස්කාට ගර්ජනා කර ඔහු ගෙන් පිහිය ගැනීමට පොර බැදීය. එහි දී කැස්කා, "සොයුරනි උදවු කරන්න" යැ‍යි අනෙක් කුමන්ත්‍රණ කරුවන් ට ආයාචනා කලේය. ඒ සමගම කුමන්ත්‍රනකරුවන් කන්ඩායමක්ම සීසර් ට පිහි වලින් පහර දෙන්නට විය.

එම කන්ඩායම අතර තමා දරුවෙක් මෙන් හදා වඩා ගත් සීසර් ගේ හිතමිත්‍ර බෲටස් (Marcus Junius Brutus) ද සිටිනු දැක සීසර් "ඔබත් දරුවා?" (καὶ σύ, τέκνον?) යැයි අවසන් වදන් පවසා මිය ගිය බව ඉතිහාසයේ සඳහන් ය. පසුකාලීනව ශේක්ස්පියර් ගේ ජූලියස් සීසර් නාට්‍යයේ "බෲටස් ඔබත්?" (Et tu Brute?) ලෙස ලතින් බසින් නිර්මානය වුනේ මේ අවසන් වදන් ය.

තියුනු ආයුද වලින් 23 වතාවක් ඇනීමේ තුවාල හේත්වෙන් වූ අධික රුධිර වහනයෙන් සීසර් මියගියේය. බෲටස් සහ අනෙකුත් කුමන්ත්‍රණ කරුවෝ, "රෝම ජනතාවෙනි , අප නැවත නිදහස් ය" යැයි කෑගසමින් රෝම නුවර වීදි සංචාරය කලද සීසර් ට ආදරය කල රෝම පොදු ජනයා තම දොරවල් වසාගෙන කුමන්ත්‍රන කරුවන් ට විරෝදය දැක්වීය.

කුමන්ත්‍රන කරුවන් ගේ අභිලාශය වූයේ සීසර් ගෙන් පසු බලය තම අතට ලබාගැනීමට වුවද, සීසර් ගේ කල්‍යාන මිත්‍ර මාර්ක් ඇන්ටනි (Marcus Antonius) මැදිහත් වී කුමන්ත්‍රනයට හවුල් නොවූ සෙනේට් සභිකයන් එක කර ගෙන වී රෝම අධිරාජ්‍යය කුමන්ත්‍රණකරුවන් ගේන් බේරාගත්තේය. සීසර් පත් කල නිලදාරීන් එම තනතුරුවලම තබා, සීසර් ගේ මුණුබුරෙකු සහ ඔහු ගේ පදවිප්‍රාප්තිකයා ලෙස නම් කර තිබූ ගේයස් ඔක්ටේවියස් (Gaius Octavius) ව නව නායක ලෙස පත්කිරීමට කටයුතු යෙදීය. ගේයස් ඔක්ටේවියස් සමග සීසර් ගේ කුමන්ත්‍රණකරුවන් හා විරුද්දවාදීන් ට එරෙහිව යුද්ද කල මාර්ක් ඇන්ටනි ගේයස් ඔක්ටේවියස් ව ඔගස්ටස් සීසර් (Caesar Augustus) නමින් අධිරාජයෙකු ලෙස ඉස්තාවර කිරීමට මහත් කාර්යභාරයක් කලේය.

එලෙස තම අබිවෘද්දිය නොව තම මිතුරු සීසර් ගේ සහ ඔහු නම් කර සිටි අනුප්‍රාප්තික එවකට දහ අට වියැති ගේයස් ඔක්ටේවියස් ව සීසර් හැර ගිය නායක තනතුරේ ස්ථාපනය කිරීමට දිවි නොතකා සටන් කල, සීසර් ගේ හිතෛශී මාර්ක් ඇන්ටනි ව සීසර් ගේ මිනීමරුවා ලෙස ශ්‍රී ලංකා පාර්ලිමේන්තුවේ දී නම් කිරීම දෛවයේ සරදමකි.

මේ කතා ඇසුනොත් සීසර් ව මරාදැමූ කුමන්ත්‍රනකරුවන් වන මාකස් බෘටස්, ගේයස් කැසියස් සහ ඩෙසිමස් බෘටස් පස්ස පැත්තෙන් හිනා වනු ඇත. එබැවින් මේ ගොං කතාව හැන්සාඩ් ගතකර අපේ ගොබ්බ පාර්ලිමේන්තු මංත්‍රී ලා ගේ කියුම් කෙරුම් ලෝකයටම ගෙනයෑමට අපි අදිටන් කරගනිමු.

Like

Comment

Share

සිංහල සහ කේමර් අලුත් අවුරුද්ද

සිංහල අලුත් අවුරුද්ද බොහෝවිට රාජ්ය මාද්ය වල දක්වන්නේ සිංහල හා දෙමල අලුත් අවුරුද්ද යනුවෙන්. එහෙන් දෙමල ජාතිකයන් බක් මස පැවැත්වෙන අවුරුද්දට වඩා තයිපොංගල් සහ දීපවාලී උත්සව වැඩි බරකින් සමරනවා. බොහේ දෙමල ජාතිකයන් ට බක් මස අලුත් අවුරුද්ද තවත් දවසක් පමනයි.

සිංහලයන් මෙන් ම සාමාන්යයෙන් බක් මස 13, 14 සහ 15 දිනවල අලුත් අවුරුද්ද මම ඉහලින් සමරන තවත් ජාතියක් කැම්බෝදියාවේ සිටිනවා... ඒ එහි ජනගහනයෙන් 97% පමන වූ කේමර් වරුන්.  නගරයේ පදිංචි කේමර්වරුන් හැමෝම නව වසර සමරන්න තම ගම් බිම් වලට ඇදෙනවා.

කේමර් වරුන් ගේ අලුත් අවුරුද්දේ පලමු දිනය හැඳින් වෙන්නේ මහා සංක්‍රාත් (មហាសង្រ្កាន្ត) ලෙසයි. එය සංස්කෘත බසින් බිඳී ආ මහා සංක්‍රාන්ති හෙවත් ග්‍රහ වස්තු ස්තානය වෙනස්වීම යන අරුත් හැඟවෙන වචනයක්.


නව වසරේ දෙවන දිනය විරක් වනබත් (វិរ:វ័នបត) ලෙස හා තෙවන දිනය වේරක් ලොන්ග් සක් (វារៈឡើងស័ក) ලෙස හඳුන්වන කේමර් වරුන් මේ දින තුනම තම තමන් ගේ ගම්බිම් වලට ගොස් නෑ හිතවතුන් සමග ගත කිරීමට. බෞද්ද ආගමික කටයුතු  වලට මුල් තැන දෙන ඔවුන් ඊට අමතරව නොයෙක් පරම්පරාගත ජන ක්‍රීඩා වල යෙදෙනවා.

ඔවුන් ගේ ජන ක්‍රීඩා බොහොමයක් අපේ අවුරුදු උත්සව වල දකින්නට ලැබෙන ක්‍රීඩා වලට බොහෝම සමානයි.