ලැජ්ජාවක් අනේ මුන් ගේ ගෑවිලා නැතී

කෝප් කමිටුවේ මහ පුටුවට පැන්නා

මහින්දට ගේම දෙමි කියමින් උඩ පැන්නා

අර්ජුන් මාමා ගේ බෑනා ගොඩ යන්නා

හඳුන්නෙත්ති අද හොඳටම පච වෙන්නා

හොරු අල්ලන්න වන්චාවන් වලකන්න

මහජන මුදල් නැති කල අය කුදලන්න

සීතාම්බර සලුව ඇඳගත් ජෙප්පෝ මෙන්න

සැට් විය මුලු රටම අඳුරින් ගොඩ ගන්න

රනිල් තුමා කෑගසුවා කොර සද්ද

එතුමා එක්ක සෙල්ලම් නැහැ දන්නැද්ද?

බටලන්දේ කොරපු දේ අමතක වෙද්ද..

ජෙප්පෝ අතහරිති යහපාලන හොද්ද

ගමට යන්න බැහැ කොල්ලෝ කෝචොක් දමතී

රජසබයේ කවටයන් වී අරිති හතී

ලැජ්ජාවක් අනේ මුන් ගේ ගෑවිලා නැතී

ජෙප්පන් දකින විට හැමටම කැවෙති කිතී