හිතවත් ඉන්දුනීසියානු වැසියෙනි....

ස ර ස තුමා කඩිමුඩියේ මේ බ්ලොග් පෝස්ට්ටුව ලියන්නේ ඔහෙලාට ඇති හිතවත්කමට ය. 

ගියපාර සුනාමියේ දී ලන්කාවටත් වඩා අලාබ හානි වුනේ ඔහෙලාට බව ස ර ස තුමා ට මතකය. කොරේ පිටට මරේ කිවුවා වගේ එලෙස පරිප්පු කෑ ඔහෙලාට තවත් කරදරයක් වෙන්ට යනවානම් ඒ ගැන ඔහෙලා දැනුවත් කොරලා තබන්නට ස ර ස තුමා සිතුවෙමි.

සිරි ලන්කාවේ ලොක්කා වන රනිල් වික්‍රමසින්හ තුමා ලඟකදී ඔහෙලාගේ රටට ආවාය. ඇවිදින් ආර්තික ගිවිසුම් තුන හතරක් ම අස්සන් කොලා කියා රූපවාහිනියේ කිවුවා හිටන් ය.

රනිල් වික්‍රමසින්හ තුමා ලන්කාවේ අගමැති වී සුමානයකින් පමන අපේ ප්‍රදාන අපනයන බෝග වූ තේ සහ රබර් වල මිල සීයට පනහකින් පමන අඩු වී ගියේය... දන් සිරි ලන්කා වාසින් රබර් කපන්නේ නැහැ හිටන්!

කැලනි ගඟ උතුරා ගොස් මිනිසුන් සිය දහස් ගනනක් අනාත විය.... සාලාව අවි ගබඩාව පුපුරා ගොස් තවත් සිය දහස් ගනනකට උන් හිටි තැන් නැති විය!

එතුමා ජරුමනියේ ෆොක්ස්වැගන් කරුමාන්තසාලාව එක්ක ගිවිසුමක් අස්සන් කොරලා  තීන්ත වේලෙන්නත් කලියෙන් අගේට හිටි ෆොක්ස්වැගන් කරුමාන්තසාලාව බන්කොලොත් විය..

ඔහෙලාට වඩාත් තේරුම් තියෙනා විදියට කිවුවොත් රනිල් තුමාට බරකත් නැත..... නැකත් පත නම් තිබේ!

එහෙවු එකේ ඔහෙලා ටිකක් හෝදිසියෙන් ඉන්න එක හොඳය... අහක යන ටයිෆූන් එකක් , බූමි කම්පාවක් හෝ සුනාමියක් ඔහෙලා ගේ ඇඟට කඩා වැදීමට සෑහෙන්න ඉඩ කඩ මතු වී ඇත!

අපිට නම් එහෙම දෙයක් වුනොත් නැවත හෙල්පින් හම්බන්තොට ගේමක් ගසා ගොඩ යා කැකි ය... ඔහෙලාට අබ සරණය!