නවක වධක උපකුලපති

පසු ගිය දිනක පේරාදෙනි විශ්ව විද්යාලයේ නවක සිසුන් ව කුලී නිවෙසකට ගෙන ගොස් වධය දෙත්දී පොලීසිය විසින් එම වධකයන් අල්ලා ගෙන බන්ධනාගතකිරීම ගැන නොයෙකුත් කතා මතුවෙමින් පවතී. 

ඒ අතර සින්හල බ්ලොග් ලියන්නන් කීප දෙනෙක් ද ඊට අදාල වියුනු ලියා පල කර ඇත. 

වෙච්චි වැඩේ වැරදිය..දඬුවම් දිය යුතුය යන සාම්ප්‍රදායික නවක වධ රචනා වලින් මිදී සරස තුමා අද නවක වධ ප්‍රශ්නය බෙල්ලෙන් ම ඇල්ලීමට සූදානම් ය. එම ප්‍රයත්නය නිසාම සරස තුමා බොහෝ දෙනෙකුගේ වෛරයට ලක්වන බවද ඉර හඳ සේ විස්වාසය.

පොලීසිය විසින් නවක වධකයන් අල්ලාගත් ඊයේ දිනයේ පේරාදෙනි විශ්ව විද්‍යාලයේ උපකුලපති තුමා ශපත කර කියා සිටියේ වැරදිකරුවන් ට දැඩි දඬුවම් දෙන බවය.

තැන්පත් උපකුලපති තුමනි... මා ඔබව මීට වසර දහ අටකට පමන අතීතයට ගෙන යන්නට කැමැත්තෙමි.

ඔබගේ දෙවන වසරේ දී හිල්ඩා ඔබේසේකර ශාලාවේ නවක වධය දෙමින් සිට එහි ශාලාධිපති ශල්‍ය වෛද්ය  මහාචාර්ය කොල්ලුරේ  ගේ අතටම අසුව ඉන් මිදී  දන්ත වෛද්ය සිසුවෙකු ගේ කාමරය මැදින් පලා ගියා මතකද? එම සිද්දිය නිසා තම නැවත විබාගයට (repeat exam) පාඩම් කරමින් සිටිත්දී කාමරය මැදින් පලාගිය ඔබේ නම බලධරයන් ට දන්වා පාවාදීම නොකල නිසා කැකිරාවේ සිට පැමිනි එම දන්ත වෛද්ය සිසුවාවන ගුන්ඩා හෙවත් ගුණවර්දන ට මාස තුනක පන්ති තහනමක් ලැබුනා මතකද? එම පන්ති තහනම මැද දී ගුන්ඩා ගේ නැවත විභාගය පැවැත් වුනු නිසාම ගුන්ඩා බැච් මිස් වී පහල කණ්ඩායමට බැඳෙන්න වුනා මතකද?

ඔබත් පලමු වසර කන්ඩායමෙන් විසි වී පහල කන්ඩායමට බැඳුනා මතකද? පේරාදෙනි ඉතිහාසයේ පහල කන්ඩායමෙන් සමත් වී උපකුලපති වූ එකම පුද්ගලයා ඔබ බව මතකද?

ඔබට විරුද්දව සරසවි බලධරයන් විසින් විනය පරීක්ශන පැවැත්වූවාද නැද්ද? (  ඔවු.. අර කාර් එක ගිනිතියාපු කේස් එක තමයි... )

අප නවකයන් ලෙස පේරාදෙනි විශ්වවිද්යාලයට ඇතුල් වෙද්දී අවසන් වසරේ සිටි ඔබ, ඊට පෙර වසරවල අසමත් විශයන් පාඩම් කරද්දී මහ රෑ එකට පමන එවකට අරුනාචලම් ශාලාවේ නවාතැන්ගෙන සිටි නවක අපව නින්දෙන් අවදි කරවා බලෙන් ම නිරුවත් කර නාන කාමරයට රැගෙන ගොස්, ඔබ ඇඟ සෝදාගන්නා තුරු ඔබ අසල සිට වෙවුලන්නට අණ දුන්නා මතකද?

සරසවි වල ශිශ්යයන් මාරාන්තික නවක වධය දෙන්නේ ඔබලාගෙන් ඉගෙනගෙන බව දැන් පැහැදිලි ද?

වර්තමාන වධකයන් හට දඬුවම් කිරීමට පෙර තමන් ශිශ්යයෙකු ව සිටි කාලේ වධකයෙකු ලෙස ක්‍රියා කලා යැයි ප්‍රසිද්දියේ පිලිගෙන සමාව ඉල්ලීම නරකද?