ඔක්ස්ෆර්ඩ් විශ්ව විද්යාල ආචාර්ය වරයෙකු වූ ජෝන් වික්ලිෆ් John Wycliffe කියන වියත් විද්වතා 1381 දී එවකට ඇරාමික් භාශාවෙන් ලතින් බසට පෙරලා පූජකයන් විසින් අර්ත දක්වන්නට යෙදුන බයිබලය සාමාන්‍ය ජනතාවට කියවා තේරුම් ගත හැකි වන පරිදි ඉංග්‍රීසි භාශාවට පරිවර්තනය කලා. ඔහු ගේ තර්කය වුනේ ශුද්ද වූ ලියැවිල්ල පූජක අතරමැදියන්ගෙන් තොරව මහා ජනතාව අතට පත් විය යුතුය කියලායි. වික්ලිෆ් ගේ ලියැවිලි ලියවලා සාමාන්‍ය මිනිස්සු දේව වචනය අවභෝද කරගත්තොත් තමුන්ට ලැබෙන වාසි ප්‍රයෝජන නැති වෙයි කියලා බය වෙච්චි පූජකයෝ වික්ලිෆ් ට දරුනු ලෙස අවවාද කලා ඒවා ප්‍රකාශයට පත් කරන්න එපා කියලා. ඒත් වික්ලිෆ් ඒ අනතුරු ඇඟවීම් වලට කන් නොදුන් නිසා විරුද්දව පෙත්සම් ගහලා එතුමා ව කරදරයට පත් කලා. 1377 දී එකොලොස්වන ග්‍රෙගරි පාප් වහන්සේ වික්ලිෆ් ව වැරදිකරුවෙක් කරලා පාප් බුලක් ඇරියා (papal bull )කියන්නෙ පාප් වහන්සේ ගේ මුද්‍රා ලාන්චනය යටතේ යවනා නියෝග වලට ). පූජකයෝ වික්ලිෆ් ගේ ලියවිලි එකතු කර කර ඒවා ගිනිබත් කලා.
පූජකයෝ කොපමන කරදර කලත් 1384 වනතුරු ජීවත් වෙන්න වික්ලිෆ් වාසනාවන්ත වුනා. ඔහු ගේ මරනයෙන් පස්සෙ 1415 දී පස් වන මාටින් පාප් වහන්සේ ගේ අනුමැතියෙන් වතිකානුව වික්ලිෆ් ආගමට එරෙහි වන්නෙක් ලෙස ප්‍රකාශ කලා. එම ආඥාව ක්‍රියාත්මක වුනේ 1428 දී... පූජකයන් විසින් වික්ලිෆ් භූමදානය කල ස්තානයෙන් ඔහු ගේ ඇට කටු ගොඩට අරගෙන පුච්චලා භශ්මාවශේ ස්විෆ්ට් ගංගාවේ Swift river පා කර හැරියා....
පල්ලියේ අවවාද වලට පිටින් ගිහින් වාර්තා එලියට දාන ගම්මන්පිල ගේ ඇටකටු කවදාහරි ගොඩ අරන් පුච්චලා කැලණි ගඟේ පාකරයිද සහෝදරවරුනි??
No comments:
Post a Comment