ලේබල් ඇලවීම

එක්තරා වෘශභරාජ වියුනුකරුවෙකු සරස තුමාට ගරු කිරීමක්  වශයෙන්  ජාතිවාදියා කියන ලේබලය අලවන්නට උත්සාහයක් දරනු පෙනේ.

සරස තුමා කුඩා කාලේ පටන් ම සින්හල, දෙමල, මුස්ලිම්, මැලේ, බර්ගර් විතරක් නොව ඉන්දියානු බොරා, පාර්සි වැනි ජාතීන් ට අයත් දරුවන් සමග හැදී වැඩී තාමත් ඔවුන් සමග සබඳතා පවත්වයි.

අද දවසේ මෙන් හන්දියෙන් හන්දියට ජ්‍යාත්‍යන්තර පාසැල් සුලබ නොවූ ඒ කාලයේ විදේශ වලින් පැමින පරම්පරා ගනනාවක් මෙහි ශ්‍රී ලන්කාවේ ජීවත් වූ පාර්සි, බෝරා, බහායි, මේමන්, සින්ධි, මාලදිවයින් ජාතීන් තම පිරිමි දරුවන් එවූ එක් පාසැලක් නම්  සරස තුමා ඉගෙනගත් පාසැලයි. එම දරුවන් සමග එක පන්තියේ, එක ක්‍රීඩාන්ගනයේ උරෙනුර ගැටී ජීවත් වූ සරස තුමාට ඔවුන් පිට මිනිස්සු වූයේ නැත.

ඔවුන් ගෙන් සමහරු සින්හල භාශාවෙන් ඉගෙන ඉතා හොඳ ප්‍රතිපල ද ලබාගත්තා සරස තුමාට මතකය. විශේශයෙන් ම සරස තුමාගේ එක පන්තියේ උන් සින්ධි ජාතිකයෙකු වූ රාම් (රාම් මහබූබානි ) අ පො ස උසස් පෙලට ජීව විද්‍යා ධාරාවෙන් පලමු උත්සාහයේදී ම C හතරක් (සම්මාන හතරක් ) ගත්තා සරස තුමාට කිසිදිනෙක අමතක නොවේ.

පසුව පේරාදෙනි සරසවියේ ද සියලු ජාතීන් සමග ඉමහත් පහසුවෙන් කටයුතු කිරීමට කුඩා කල සරස තුමා ලැබූ ආභාශය ඉවහල් විය.
වෘශභරාජ වියුනුකරු  නොදන්නවා වුවද, පේරාදෙනි නේවාසිකාගාර කාමර වල ජීවත් වන යාපනේ දමිල සිසුන් මඩකලපු දමිල සිසුන් හෝ වතුකරේ දමිල සිසුන් ව තම කාමර වලට වැද්ද ගත්තේ නැත. 

කුල මල නොතකන මුස්ලිම් වරු පවා මාතලෙන්, නුවරින්  හා මාවනැල්ලෙන් ආ උදවිය නැගෙනහිර කාතන්කුඩි, සයින්දමරඳු වැනි අම්පාර දිස්ත්‍රික්කයෙන් ආ මුස්ලිම් සිසුන් නොතකා හැරීම සාමාන්‍ය සිද්දියක් විය. 

එහෙත් විවිද අදහස් දරනා එම සියලු සිසුවන් ව බේදයකින් තොරොව ආශ්‍රය කිරීමට එදා සරස තුමා ට ශක්තිය තිබිනි.

අවසන් වසරේ උගනිද්දී ජේශ්ඨ ශිශ්‍ය උපදේශක ගේ ඉල්ලීමකට කන් දී එවකට සබ්ජෙක්ට්ස් කීපයක් අසමත් ව හිටි  සයින්දමරඳු වලින් පැමිනි මුස්ලිම් සිසුවෙකු ව සරස තුමා ගේ කාමරයේ නවතාගැනීමට එකඟ වූ නිසා නැගෙනහිර මී කිරි ද, විවිද මත්ස්‍ය ආහාරද සමග සමස්ත මුස්ලිම් සිසුවන් ගේ ගෞරවයට ලක්වන්නට ද සරස තුමා සමත් විය. 

එවන් විවිධාකාර සිසු සම්බන්ධතා පැවැතියද ඒ හැම දෙනාම සරස තුමාව හැම විටම ආරාදිතයෙකු ලෙස තම කාමර වලට සාදරයෙන් පිලිගත්තේ සරස තුමා තුල පැවති අනායාසයෙන් සැම දෙනා ඇසුරු කිරීමේ ශික්ශනය නිසා ය.



ශිශ්‍යයෙකු ව සිටි කාලේ ලැබුනු මෙම ශික්ශනය නිසාම  පසු කලෙක විදේශ රටවල විවිද ජාතීන් වලට අයත් ජනයා සමග ඉගෙනගෙන සහ රැකියාව කිරීම සරස තුමාට ඉතාම පහසු විය.. 

සරස තුමා ජාතිවාදියෙකු උනා නම් එය එසේ වන්නේ නැත!
 

සරස තුමා ට ජාතිවාදීයා කියනා අය දුර ඈත ඩොටේ පාසැලේ සින්හල ලමයි එක්ක පමනක් ඉගෙනගත්තු උදවිය ය. වෙනත් ජාතිකයන් සමග ඉගෙනගත්, ක්‍රීඩාකල, විනෝද වූ හාදයෙකු නොවේ.

තමන් සමග එකට ඉගෙනගත් මිල මුදල් තියෙන සහෝදර ශිශ්‍යයන්  එක්ක ඊරිසියා වෙලා ජේ වී පී එකට බැඳිලා බස් ගිනිතියපු, ට්‍රාන්ස්ෆොර්මර් වල තෙල් බස්සපු, තරමක වත් පොහොසත් සිසුන් ගේ නෑ හිතමිතුරන් ව විදුලි කණුවකට බැඳ වෙඩි තියාපු නල්ලමලේ මානව හිතවාදියෝ ය.  

ඊට පස්සේ පොලිසියට හසු වී කඳවුරු ගත වී අර පොන්සේකා කීවාක් මෙන් කුමාර් ගුනරත්නම් එයාට දනගහලා වැඳලා ජීවිතේ බේරාගත්තා වගේ කවුරුහරි පොන්සේකා කෙනෙකුට දන ගහලා වැඳලා එලියට ඇවිත් පොඩි පොඩි මානව හිතවාදී ප්‍රොජෙක්ට්ස් දෙක තුනකින් පස්සේ සිරිකොත හරහා හන්දිකඩාල් ගිහින් ලෙනින් ටත් කොමියුනිස්ට් වාදය උගන්වන වෘශභරාජ වියුනු ලියනා බක පඬියෝ ය.

 තණකොල පමනක් බුදිමින් හිටි වෘශභරාජ වියුනුකරු තුමා ට සිරිකොත අනුග්‍රහයෙන් පිදුරු කට්ටක් හා පුඤ්ඤක්කු ටිකක් ලැබුනාම අනෙකා දෙසට ඇඟිල්ල දික් කර තණකොලවාදියා යැයි චෝදනා කිරීම විහිලුවක් බව කාරුණිකව මතක් කරමි!