සමහර දේශපාලන නායකයෝ පන්සල් වලට බුදු පිලිම වලට සහ ස්වාමීන් වහන්සේලාට සලකන විදිය...

 

 

එජාප, ශ්‍රිලනිප, පොහොට්ටු, සජබ ආදී ධනපති හෝ මැද පක්ශ වල බෞද්ධ නායකයෝ කුඩාකාලෙ දහම් පාසැල් ගිය අය. එයාලගේ මවු පියෝ ගමේ පන්සලට සහ සමහර විට තව පන්සල් කීපෙකටම දාන මාන පූජා කරපු, පේරු දානේ කරපු, කඨින පිංකම් කරපු, පොඩි හාමුදුරුවන් වහන්සේලා ගේ අධ්යාපනයට අධාර කරපු උදවිය. ඒ නිසා මේ දේශපාලන නායකයෝත් පන්සලට, චීවරේට, බුදු පිලිමෙට සහ ස්වාමීන් වහන්සේලාට ගරු කරනවා.  ඒක ඒතුමන් ලාගේ හද පතුලෙන්, තම පවුල් ආශ්‍රයෙන් ගොඩනැගුනු සිතුවිල්ලක්.

 

හැබැයි සමහර දේශපාලන නායකයෝ ඕකෙ අනිත් පැත්ත. ඒ හාදයෝ පන්සලට, චීවරේට, බුදු පිලිමෙට සහ ස්වාමීන් වහන්සේලාට ගරු කරන්නෙ නෑ. ඒකට හේතුව තමා ඒ ගොල්ලන්ගෙන් බහුතරයක් කුඩා කාලෙ පන්සල් ආශ්‍රයෙන් හැදුනු උදවිය වුනාට පන්සල් වලට දාන මාන කරන්න, කඨින පින්කම් කරන්න, පේරු දානෙ දෙන්න හැකියාවක් නැති පවුල් වලින් ආව නිසා. ඒගොල්ලෙ බොහෝ විට ගමේ පන්සලේන් යැපුනු අය. බුද්ධ පූජාවට වගකියපු අය. පොඩි හාමුදුරුවරුන් ආශ්‍රය කරමින් එතුමන් ලාට පිරිකර වහයෙන් ලැබේනා දේවල් පරිහරණය කරපු අය.

 

එයින් තවත් සමහරු තමුං ගේ දරිද්‍රතාවය නිසාම වඩා හොඳ ජීවන තත්වයක් පතාගෙන මහණ වෙච්චි උදවිය... ඒ පොඩි හාමුදුරුවරු ගමේ දායකයන් ගේ පුද පූජා නිසා වඩා හොඳ ජීවිතයක් ගත කරලා උසස් අධ්යාපනේට විශ්ව විදාලෙටත් ඇවිත් උපාධිය ගත්තාම උපැවදි වුනු අය. එවන් සමහර පොඩි හාමුදුරුවරු ගමේ ප්‍රභූන් ගේ සහ අතමිට ඇති අය ගේ දාන වලට ඔවුන් ගේ නීවෙස් වලට වැඩියාම පුණානුමෝදනා කරන ගමන් හිත යටින් ඒ නිවාස, යාන වාහන තමුං ගේ ගිහි කල නිවාස එක්ක සංසංදනේ කරලා ඊරිස්යා වෙච්චි අය. තවත් සමහරු නොයෙකුත් තර්ජන වජින් ජීවිතේ බේරගන්න සිවුර පෙරෝගත්තු අය.

 

සමහර පාර්ලිමේන්තු සහ පලාත්පාලන නියෝජිතයෝ අතරේ මේ වගේ අය සෑහෙන ප්‍රමානයක් ඉන්නවා. එතුමන් ලා පන්සලට, චීවරේට, බුදු පිලිමෙට සහ ස්වාමීන් වහන්සේලාට ගරු කරන්නෙ නෑ.... එතුමන්ලාට එවැනි දේවල් දැක්කාම තමුං කරපු වැදි වැඩ ගැන වරදකාරී චිත්තයක් පහල වෙනවා... අපායට අත වනනවා පේනවා... පිනට දානෙ කාලා නේද හිටියේ කියලා තම්ං එක්කම කලකිරිලා කේන්ති යනවා...පස්චත්තාප වෙනවා...

 

ඒ නිසාම එතුමන්ලා පුළුවන් තරම් පන්සලට, චීවරේට, බුදු පිලිමෙට සහ ස්වාමීන් වහන්සේලාට අංචි අදිනවා... අංචි අදින්නන් ට උඩගෙඩි දෙනවා... මේ දේ තේරුම් ගත්තාම ජීවිතේ පහසු වෙනවා.

 

ඔබ සැමට තෙරුවන් සරණයි!

තරුණයන් අතර ජවිපෙ කුල්ල කුජීතවීම ට හේතු!

1960 ගනන් වල බිහි වූ ජවිපෙ තරුණයන් අතර බට කැළේට ගිණි ගත්තා වගේ ජනප්‍රිය වූ පක්ශයකි. භික්ශුවකින් බලාපොරොත්තු වුනාටත් වඩා දැඩි ඇවතුම් පැවතුම් කැපකිරීමක් කර ජවිපෙ සමග අත්වැල් බැඳගැනීම ඒ බොහෝ තරුණ තරුණියන් ගේ අභිලාශය විය. තම පවුල් වලින් අයින් වෙමින්, විශ්වවිද්යාල අධ්යාපනය පවා අත හරිමින් ඔවුන් කල කැපවීම් වර්තමාන තරුණ පරපුරට සිතා ගත නොහැකිය. 

එකල තරුණ තරුණියෝ ජවිපෙට බැඳුනේ ජවිපෙ නායකයින් දේශනා කල සමාජ අසාදාරණ වලට එරෙහි නිසාය. නායකයෝ ජවිපෙ ආරම්භ කරේ ඉංග්‍රීසියෙන් කතා බහ කල, පිට රටවල උසස් අධ්යාපනය ලැබූ වාමාංශිකයන් මෙන් නොව කොමියුනිස්ට් වාදය පිලිඹඳ පොත් ඉන්ංග්‍රීසියෙන් කියවීමට නොහැකි වූ නිසා ඇති වූ මදි පුංචිකම් වසාගන්නටය.

රූපවාහිනී සහ සමාජ මාධ්ය මගින් ලෝඅකය දකින්නට හැකි කාලයේ තරුණ තරුණියන් ව බොරු කියා රැවටීම කල හැකි දෙයක් නොවේ. ඔවුන් අනිකාට සිදුවන සමාජ අසාදාරනයට සංවේදී නැත. 

මෙවැනි සංවේදී වෙනස්වීම් සිදු වූ ලාංකික සමාජයේ ජවිපෙ ට තරුණයන් අතර තිබූ තැන ගිලිහෙද්දී ජවිපෙත් තම ගොදුර වූ තරුණයන් අත හැර මැදි වයසේ බලාපොරොත්තු කඩ වූ මයිනන් සහ මයිනියන් ව ඉලක්ක කලේය. අතීතයේ තිබූ ඇවතුම් පැවතුම් නොව පන්ති පහ ද අත හැර දැමූ ජවිපෙ ඒ වෙනුවට තෝරා ගත්තේ අරූ හොරා මූ හොරා යනුවෙන් අමූලික චෝදනා එල්ල කරමින් මයිනන් අතර ඊරිසියාව පැතිරවීම ය. 

වෛරයෙන් මත් වූ මයිනන් ගේ චන්දෙයෙන් ආන්ඩුව පිහිටෙවු ජවිපෙ ධනපති පන්තිය පෙන්වා මයිනන්ටත් පොහොසත් අනාගතයක් පොරොන්දු විය. පන්ති වෛරය වෙනුවට තමන් වෛර කරනා ඉහල පන්තියට ඇතුල්වීමේ ගේට්ටුව අවහිර වී තිබීම ට වෛර කිරීමේ කලාව ජනගත කලේය. 

මයිනන් ඇන්දුනාට සමාජ ජාලා අතර සැරිසරන තරුණයන් ඇන්දී ජවිපෙ ට ආකර්ශනය වුනේ නැත. අනාගතේ මොකක් වෙද්දැයි අපි කල්පනාවෙන් බලා සිටිමු!

තායි ආන්ඩුවේ අලි ඇත්තු ත්‍රස්තවාදය පරදවමු!

 වර්තමාන තායි ආන්ඩුව ශිනවත්‍රා පවුලෙන් එලවා එලවා පලිගන්නවා, අර නහයෙන් පෙන්නන්න පුළුවන් අහවල් ආන්ඩුව අහවල් පවුලෙන් පලිගන්නවා වගේ. ශිනවත්‍රා ලා දලදා මාලිගාවේ තදබල පාර්ශව කරුවන්. ඔවුන් යම් වැදගත් වැඩකට කලින් දලදා වන්දනා කරලා පිහිට අපේක්ශා කරනවා. ඒ නිසාම ශිනවත්‍රලා පලවා හැරිය ආන්ඩුව, ඔවුන් ගේ අනුග්‍රහය ලැබූ සියලුම ප්‍රොජෙක්ට්ස් වලට ප්‍රහාර එල්ල කරනවා. ඔවුන් ලංකාවට පරිත්යාග කරපු අලි ඇත්තු වර්තමාන තායි ආන්ඩුව විසින් ආපහු ඉල්ලන එක ඒ පලිගැනීමේ එක් දිගුවක්.

මෙච්චර අලි ඇත්තු දිනපතා විවිද හේතු නිසා මැරෙන, මරාදමන රටේ විහාරස්ථාන වලට අලි ඇත්තු නෑ... තායිලන්තෙන් හිඟාකන්න ඕනි. අතීතයේ මේ රටේ හදාපු වැවු අමුණු සහ විහාරතාන ඔක්කොම හැදුවේ හීලෑ අලි ඇත්තු උපයෝගී කරගෙන. ඒ කාලේ බැකෝ සමන් ලා හෝ බැකෝ මැශින් තිබ්බෙ නෑ... අලි රොශාන් ලා නම් හිටියා වෙන්න ඇති. අමතක කරන්න එපා, පෘතුගීසීන් ලංකාවට එන කාලෙත් අපේ ලොකු ම අපනයනයක් වුනේ අලි ඇත්තු.

දැන්වත් මේ රටේ මිනිස්සු පිටරටවලින් අලි ඇත්තු හිඟා කන එක නවත්තලා අපේ රටේ අලි ඇත්තුන් ව හීලෑ කිරීම පටන් ගන්න ඕනි. වන අලි ඇතුන් විසින් කරනා වගාබිම්, දේපොල හා මිනිස් ජීවිත් හානි වගේම වන අලි ඇතුන් ගේ ජීවිත් හානි වලක්වාගැනීමේ ක්‍රමයක් තමා මේ හීලෑ කර අවශ්ය අයට මුදලට විකිනීම. 

ෆීනයිල් ඇසිටෝන්

 

ෆීනයිල් ඇසිටෝන් (Phenylacetone, also known as phenyl-2-propanone) කියන්නෙ පාටක් නැති වතුරෙ දිය නොවන තෙල් වගේ සංයෝගයක්. මහා පරිමානෙන් මෙතැම්ෆෙටමීන් හෙවත් "අයිස්" හදන්න ගන්න අමුද්‍රව්යයක් නිසා ඒක දෙවන කාන්ඩයේ පාලනය කල රසායන ද්‍රව්යයක් හැටියට ඇමෙරිකා එක්සත් ජනපදය 1980 දී නීති සම්මත කලා Schedule II controlled substance in the US of A.

එය රහසිගතව ප්‍රවාහනය කරන විදියක් තමා ඔය ද්‍රාවන උරාගන්න හැකියාව ඇති ටැල්ක් ස්ටෝන් වගේ දේවල්  ෆීනයිල් ඇසිටෝන් ද්‍රාවනයේ බස්සලා ඔක්කොම උරාගත්තතාට පස්සෙ එම ගල් කන්ටේනරේක දාලා  යවන එක. පස්සෙ අවශ්ය තැන දී ඒවා කාබනික ද්‍රාවනයක ගිල්ලුවාම ෆීනයිල් ඇසිටෝන් ගල් වලින් ද්‍රාවනයට යනවා. පස්සේ එම ගල් වල ඇති වටිනාකමක් නෑ... ඒවා ගෙනිහිං කොහේ හරි විසිකරන්න අවශ්යයි.

එහෙම වෙන් කරගත්තු ෆීනයිල් ඇසිටෝන් රසායන ක්‍රියා අදියර තුනකින් මෙතැම්ෆෙටමීන් බවට පත් කරන්න පුලුවන්. ෆීනයිල් ඇසිටෝන් සිට ඒවා මෙතැම්ෆෙටමීන් බවට පත් කරනා රසායන බොහොමයක් වාශ්පශීලී නිසා අඩු පරිසර උශ්නත්වයක් තියෙන තැනක මේ කියාවලිය මහා පරිමාණ වායු සමනය කරන විසාල උපකරන නැතිව  කරන්න පුලුවන්.

මගේ කතාව අවසානයි.

කියැවූ ඔබ සැමට ඉස්තූතියි.

අයිස්

අයිස් හදන්න අවස්ය මැසිම ශීතකරණයක් කියලා දැනගත්තු ලැරිසින්කාවේ ජනාධිපතියා ශීතකරණ ආනයනය තහනම් කලා... දවසක් රතු ලේබල් කන්ටේනරේක ශීතකරන ඉම්පෝර්ට් කරාපු හාදයෙක් කස්ටම් එකට සෙල්ලමක් දාලා වරායෙන් ඒක පන්නගෙන ගියා. මිනිහා ශීතකරෙණ ගෙදර ගෙනිහිං ඒකෙ කොරුගේටඩ් කාර්ටන් එකයි පැකිං වලට ආපු රිජිෆෝම් ටිකයි අරං ගිහිං අනුන් ගෙ ඉඩමක හැංගුවා....ඒක වීසිකරපු පෙට්ටි සහ රිජිෆෝම් දැක්ක එකෙක් පොලිසියට ඔත්තුවක් දීලා ෆ්‍රිජ් එකක් හංගලා කියලා... පොලිසිය ඇවිත් ඒ වීසිකරපු පෙට්ටිය සහ රිජිෆෝම් දැකලා රජයේ රස පරීක්සකටයි මීඩියා කාරයන්ටයි එන්න කියලා... රස පරීක්සක රිජිෆෝම් කෑල්ලක් කාලා ඒක ශීතකරණයක් කිවුවලු... මීඩියා කාරයෝ ඔන්න ශීතකරණයක් සොයාගත්තෝ කියලා හෙඩ් ලයින්ස් ලිවුවලු...

සෝවියට් රුසියාව ගොඩනැඟීමේ පසුබිම

 

1917 ඔක්තෝබර් විප්ලවයෙන් පසු, බොල්ෂෙවික් පක්ෂය (ළෙනින්ගේ නායකත්වයෙන්) රුසියාවේ බලයට පැමිණිණ. විප්ලවය පසුකාලීනව ඉතා දැඩි අභියෝගයන්ට මුහුණ දුන්නා.

1. සිවිල් යුද්ධය (1918–1922)

2. විදේශීය බලවේගවල ඇධිප්ත්වය

3. ආහාර හිඟය

4. කර්මාන්තීය හා වාණිජ සංවර්ධනයේ වසංගත වශයෙන් කඩාවැටීම

මෙම තත්වයන් මත රට නැවත ගොඩනැගීම සඳහා සමාජයේ සියලුම ස්ථරයන්හි ජනතාව පරිත්යාගශීලී අරගලයක නිරත වුනා.

රතු හමුදාව (Red Army) ගොඩනැඟීම

රතු හමුදාව, බොල්ෂෙවික් රජය විසින් 1918 ජනවාරි 28 වන දිනදී  ලියොන් ට්‍රොට්ස්කි (Leon Trotsky) විසින් පිහිටුවා ව්යාප්ත කලා

රතු හමුදාවේ සංවිධානයට එකතුවූ පිරිස්:

1. කම්කරුවන් (workers) – බොහෝ දෙනෙක් විප්ලවය සඳහා උපරිම කැපවීමකින් යුතුව සිටිහ. ඔවුන්ගෙන් බහුතරය සාමාන්‍ය අධ්‍යාපනයක් නොමැතිව තිබුණද, විශ්වාසය සහ විප්ලවීය උනන්දුව ඔවුන්ගේ ප්‍රධාන බලවේගය වුනා.

2. ගොවීන් (peasants) – ඔක්තෝබර් විප්ලවය ඔස්සේ ඔවුන්ට වගාබිම් ලබාදීමේ පොරොන්දුව නිසා බොහෝ ගොවීන් බොල්ෂෙවික් පක්ෂයට සහය දැක්වූහ. ඔවුන් අතරින් බොහෝ දෙනෙක් රතු හමුදාවේට අරක්ෂක හෝ සෙබළුන් වශයෙන් එකතුවුනා.

3. ශිෂ්‍යයන් සහ වෘත්තිකයන් (students and professionals) – නව සමාජවාදී ආකෘතියක් ගොඩනඟන්නට කැමති වූ බොහෝ බුද්ධිමතුන් සහ නවකයන් ද රතු හමුදාවට බැඳුනා. ඔවුන් විශේෂයෙන්ම තොරතුරු එක්‍රැස්කිරීම හා ඉහලට සන්නිවේදනය, තාක්ශනය, රූපවාහිනිය, වෛද්‍ය සහ රසායන විද්‍යා කටයුතු වලට අනුයුක්ත වුනා.

කලාකරුවන් සහ විද්වතුන් – විප්ලවීය ජාතික මනෝභාවයක් ව්‍යාප්ත කිරීම සඳහා උදව් කලා.

නව සමාජමය සංකල්ප:

"නොවිකිනෙන යුද හමුදාවක්" – සාමාන්‍ය සෙබළන්ගේ ව්‍යාපෘතික සහ ආදර්ශමය කැපවීම

"ජනතා හමුදාවක්" – සෙබළන්ට සහභාගී ප්‍රජාතන්ත්‍රවාදී ආකාරයට තීරණ ගන්න හැකියාව ලබාදීම (උදා: සෙබළන්ගේ සභා)

**"අධික පරිත්‍යාගයක" සංස්කෘතියක් – උදාහරණයක් ලෙස, ජනතාව විවෘතව තම වාහන, ගොඩනැගිලි හෝ දේපළ රජය සඳහා පරිත්‍යාග කළහ.

3. "War Communism" හා ආර්ථිකය

1918–1921 කාලය තුළ රජය "War Communism" නම් ආර්ථික ප්‍රතිපත්ති ක්‍රියාත්මක කළාය. මේවා යටතේ:

කර්මාන්ත මූලිකව රජයට පවරා ගත්තා

ගොවීන්ගේ අතිරික්ත ආහාර රාජ්‍යයට අත්පත් කර ගත්තා

සම්පත් සියල්ල යුද්ධය සඳහා භාවිතා කළා

ජනතාවට දැඩි කටුකභාවයක් විඳීමට සිදු වුනද, සියලු දෙනා රාජ්‍යය සහ රතු හමුදාව ගොඩනඟන්නට එකතු වුනා

1917–1922 අතර සෝවියට් රුසියාව නැවත ගොඩනැඟීමේ ව්‍යාපෘතියට රටේ ජනතාව බහුතරයක් උද්‍යෝගයෙන් සහභාගී  වුනා. රතු හමුදාවත්, නව රාජ්‍යයත් ජනතාවගේ කැපවීම සහ විප්ලවීය ආශාව මත ගොඩනඟන ලදි. එය ඉතිහාසයේ විශිෂ්ටතම ජනතා කැපවීමක් වශයෙන් සලකන්න පුළුවන්

ආන්ඩු බලය ගත්තෙ දෙන්න නෙවෙයි

 මේ රටේ ආන්ඩු බලය ගත්තෙ දෙන්න නෙවෙයි කියලා ටෝක්ස් දෙන කයිතන් ලා ගේ දැන ගැනීම පිණිසයි!

ඔබලා දැන්මම අනාගතේ විපක්ශයක් නැති වෙනවා කියා පුරෝකථනය කරයි. ආන්ඩු බලය ගත්තේ දෙන්න නෙවෙයි කියා කියයි. එය එසේ වුනොත් සිද්ද වෙන දේ....

විපක්ශයක් නැති වුනාම රටේ ඉන්න සියලුම දේශපාලනයට බර උදවිය නිකං ඉඳී ද? ඔබලා ඔවුන් ව සමූලඝාතනය කරයිද??

නෑ.. 

ඒගොල්ලෝ ඇවිත් ඕගොල්ලන් ගේ පක්සෙට බැඳෙනවා... ඊට පස්සෙ ඒගොල්ලන් ගේ සංඛ්යාව වැඩි වෙනවා... ටික ටික  විපක්ස වලට බැඳෙන්න ඉඳලා විපක්සයක් නැති නිසා ඕගොල්ලන්ගෙ පක්සෙට බැඳුනු අය බලය අල්ලනවා...

ඊට පස්සෙ ඉතිං තනි පක්ශෙන් ආන්ඩු කරන පක්ශේ පාර්ශව කීපයක් බලය ලබාගන්න අභ්යන්තර සටන් වල යෙදෙනවා... බලය තියෙන පාර්ශවේ ඇති පදං වංචා දූශන ලොවෙත් නැති වෙන්න කරනවා...

ඔය ඔක්කොටම වඩා මාර සීන් එක තමා ආයෙ වෙන පක්ශෙකට රටේ ආන්ඩු බලය බාර දෙන්නෙ නෑ කියලා කෑගහන උං ව කපාගෙන වෙන අය පක්සේ උඩට එනවා.. ඒක වලක්වන්න සක්කරයටවත් බෑ...

ජොලි නේද?

උපාධි කෝච්චිය

 කෝච්චිය

-------------

කෝච්චිය වනාහී විටෙක ජොලිසහගත ද, විටෙක විචිකිච්චා සහගත ද විටෙක විනාශකාරී ද උපාධි ප්‍රදානය කරනා ආයතනයකි. තඹුත්තේගම ඉස්ටේසමෙං ටිකැට් නැතුව යාල්දේවී කෝච්චියේ එල්ලී ටොපි සිකැරැට් විකුනා තුන් වෙනි පංතියේ  දුම් රිය උපාධිය ගත්තු එකා ජනා විය. එය ජොලිසහගත යැ! ඇල්ල ඉස්ටේසමෙං කෝච්චියේ එල්ලී වඩේ විකුනා දුම් රිය උපාධිය ගත්තු එකා ටොපි සිකැරැට් උපාධිකාරයාට නෙලන්නේ දොඹෙන් ම යන්න යැ! ඌ නම් පලමු පන්තියේ විමර්ශන මැදිරි ලෙවල් එකේ බුවෙක් යැ.  මුං දෙන්නාටම උඩින් ඉන්නේ හයිද්‍රාබාද්  කෝච්චි වල තේ විකුනා උපාධිය ලැබූ චායි බෝයි මෝදි යැ.

කියවන ඔහෙලාට වන්දේ මාතරං යැ!